MANDUYOG

~ Tula ni Blas Recidoro de la Cruz

Tag maintok pa kami kato

Si George, Reynold ag ako
Gapaea-unahan sa alipongto
Gaagi anay kami sa Grotto
Para indi mapamaskan it mga engkanto.

Mag-abot ngani kami rito
Nahapo gid kami it duro
Matan-aw sa waea, matan-aw sa tuo
Makita ro simbahan ag munisipyo
Ro New Washington sa tuo, may barko.

Maliso sa pihak, makita ro Bacan
Makita man mga maintok nga saeakyan
Sa andang kaintok mingko mga hampangan
Masinghan si Reynold, akon royong puea sa unahan
Sabat nay George, ro asul akon man

Singhan ko, dueaw akon man

Maunahan ngani ro puea, maghinaeakhak kami tanan
Ga ueotot it hinibayag kami tanan
Ag napuno it hangin among mga tiyan.

Sa Manduyog, maghaeong basi madanlog
Kaparis it niyog, ro eanggam imaw naghueog
Nagligid sa ubos nageagabog
Hakibot ro mga pispis pati ro mga kabog.

MANDUYOG aton gid nga haeongan
Mga tubi sa tuboran, kakahuyan, ag mga pispis man
Para ro atong mga kaapohan may balik-balikan
Pati ro mga kasimanwang may inagyan,
   nabilin handumanan.

Photo credit: Josette Mabasa-Berger